Maa!!

Shayad, ye tab se hai, jab main bol bhi nahi pata tha

Jaane kis baat ko rota tha bas har su sirf maa ko khoja karta tha

Maa ne bhi ungli thaam, mujhko, chalna sikha diya

Mujhko, in shabdon ko, ik jaal me pirona sikha diya

Garm dhup me, aanchal me chupa liya karti thi

Jab chal na pata to god me utha mujhko bahuut dur talak chal leti thi

Jaane kis bhagwan ko, main in murti me, kitabon me dhundha karta tha

Kitna khush hota tha main jab rasoi se aati apni paseendeda khusboo shungha karta tha

Usko bhi na jaane kaise meri khamosh dhukh ka ehsaas ho jaya karta tha

Aur, haan, Behra hi tha vo bhagwan jisko har baat ke liye, kosa main karta tha

Cehre pe jhoota gussa la mujhe padhne baitha diya karti thi

Fir apni neend tod subah uth mujhe chai bana de deti thi

Jab ye duniya mujhe taraju me tol sabak ka path sikhati thi

Vo chupke se aa, mujhe pyaar kar, meri peeth thathapati thi

Har baat pyaar se samjhati thi

Gar daant de to muska ke fir dulaarti thi

Khud ruth ke khud hi manati thi

Jaane zindagi ke kitne sabak ek pal me sikhati thi

Ae maa tere liye main kya bolun

Main jo kuch ban paya hun,

tere karan ban paya hun

teri mamta ko kaise shabd jaal main laun

itna bhi badi mushkil se keh paaya hun!!

Love you mummy!!!

Expanding The Horizons